ИНТЕРНЕТ АЛАЯҚТЫҚТЫҢ АЛДЫН АЛҒАН ТҮСІНДІРМЕ ЖҰМЫСТАРЫ ЖҮРГІЗІЛІП ЖАТЫР
- Шымкент қаласы, Еңбекші ауданы
Шымкент қалалық полция департаментінің Еңбекші аудандық полиция басқармасы жергілікті полиция қызмет басқармасының 34-ші участкелік полиция пунктінің учаскелік полиция инспекторлары қала тұрғындарына интернет алаяқтықтың алдын алу бойынша түсіндірме жадынамалар таратып, профилактикалық әңгімелер жүргізіпи келеді. Соның бірі аталған учаскенің полция капитаны Мадияр Сарыбай учаскелік аумақтағы тұрғындармен етене араласып, түсіндірме жұмыстарын жүргізген болатын.
Алдын-ала дайындалған түсіндірме парақшалары дайындап алып, көше бойында кезіккен тұрғындарға жекелей түсіндіріп шыққан полиция қызметкерлері халық тарапынан туындаған сауалдарға жауап берді.
– OLX, kaspi, «Халық банк» мобильді қосымшалары арқылы келетін алаяқтардың хабарламаларына қалай алданып қалмайдың жолын көрсетіп, қысқа-нұсқа көрсетілген ақпараттық парақшаларды таратып шықтым. Мұндай профилактикалық шаралар тұрғындардың интернет алаяқтардың торына түсіп қалмаудың алдын алады. Ұялы телефонға келетін кодтарды кез-келген бөгде азаматтарға айта бермей керектігін, сол арқылы азаматтар жеке ақпараттық қауіпсіздігін қамтамасыз етеді. Тұрғындарға түсіндіре жүріп, басқа да таныстарына білген ақпараттарын жеткізуін өтіндім, – дейді полиция капитаны Мадияр Сарыбай.
Расында, мұндай алдын алу шаралары арқылы тұрғындардың ақпараттық сауаттылығын арттыру арқылы көптеген интернет алаяқтықтың бетін қайтаратыны сөзсіз. Полиция саласының мамандарына сәттілік тіледік.