Фестивальдің басты мақсаты – қазақ сатирасының дамуына үлес қосу, Көпен Әмірбек сынды таланттардың мұрасын ұлықтау және жаңа буын сатира шеберлерін таныту. Шара барысында театр ұжымдары өздерінің үздік қойылымдарын ұсынса, көрермендер бүгінгі қоғамның көкейкесті мәселелеріне сатиралық көзқараспен баға беруге мүмкіндік алады. Байқауға белгілі сатира әртісі Бауыржан Ибрагимов бастаған өнер тарландары қазылық етеді.

Бұл сатиралық театрлар фестивалі – күлкі арқылы шындықты айту дәстүрін жалғастырып, қазақ сатирасының жаңа биіктерге көтерілуіне жол ашады. Бұл шара қоғамның өзекті мәселелерін астарлы әзілмен көрсетіп, көрерменге ой салатын бірегей мәдени мереке болмақ!