Бүгінгі мерекеге келген қала әкімі Ғабит Сыздықбеков Қошқар ата өзені бойына арнайы келіп, құран оқылып, қошқар құрбандыққа шалынды. Сондай-ақ, шаһар басшысы «Тұсаукесер» рәсіміне қатысып, бүлдіршіндердің тұсауын кесіп, ақжолтай тілегін арнады. Бұдан кейін қонақтар ұлттық өнерден сыр шертетін «Қош келдің, Көктем!» этно-фольклорлық концертін тамашалады. Атап айтқанда, «Құтты қонақ келді, ауылға» бөлімінде қазақтың тұрмыстық-салт дәстүрлерінің жоралғылары көрсетілсе, «Ер қанаты – Тұлпар»алаңында ұлттық қолөнер шеберлері ат әбзелдері мен зергерлік бұйымдарын көпшілікке ұсынды. Сонымен қатар, Қошқар ата өзені жағалауында алты қанат ақ ордалар тігіліп, киіз үйлердің алдында шымкенттік өнерпаздар ән шырқап, ұлттық қолөнер шеберлерінің бұйымдары көпшілік назарына ұсынылды. Ал, «Ақ дастарқан» және «Наурыз көже»жәрмеңкелерінде қала тұрғындары қазақтың дәстүрлі тағамдары мен сусындарынан дәм татса, «Шағырдан су шығару» алаңында егіншілік дәстүрлері таныстырылды. Сондай-ақ, «Саят құру» алаңында ұлттық спорт түрлерінен «Жекпе-жек» сайыстары өтіп, халқымыздың аңшылық өнері көрсетілді.

Айта кетейік, 2016 жылы осы бір көктемнің мерекесі сан ғасырлық мереке Кеңес Исмаилов ағалардың бастамасымен қайта оралып, «Карантин жылдары» үзіліп қалған еді. Биыл қайта жанданып жатыр. Мерекелік іс-шаралар 14-23 наурыз аралығында «Наурызнама» онкүндігі аясында қала тұрғындары мен қонақтарына мерекелік бағдарламаларды ұсынуды жалғастырады.