МЕМЛЕКЕТ БАСШЫСЫ ЖАСЫНДЫ ИНТЕЛЛЕКТ САЛАСЫНА ТОҚТАЛДЫ
- Шымкент қаласы, Қаратау ауданы
Президентіміз Қасым-Жомарт Кемелұлы Тоқаевтың биылғы кезекті Қазақстан халқына Жолдауында жасанды интеллект саласына басымдық берілді. Мұндай басымдықты Жолдаудың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» деп аталуынан-ақ аңғаруға болар. «Қазақстан міндетті түрде цифрлық ел болуы керек» деп баса екпін бере кетті ол. Енді Жолдаудағы осы бағыттағы негізгі тезистерге тоқталсақ:
– Жұмысымыз қаншалықты күрделі болса да, біз міндетті түрде табысқа жетуіміз керек. Басқа жол жоқ. Себебі, бұл – еліміздің болашағы, халқымыздың тағдыры.
– Жасанды интеллектінің қарқынды дамуы қазірдің өзінде халықтың, әсіресе жастардың мінез-құлқы мен болмыс-бітіміне әсер етіп жатыр.
– Қазақстан үш жыл ішінде міндетті түрде жаппай цифрлық ел болуы керек
– Ең алдымен, Цифрлық кодексті тезірек қабылдаған жөн.
Бұл заңда цифрландыру үдерісінің негізгі бағыттары, соның ішінде жасанды интеллект, платформалық экономика, үлкен дерекқорларды пайдалану және басқа да мәселелер айқындалуға тиіс.
– Құзырлы министрліктің негізінде Жасанды интеллект және цифрлық даму министрлігін құру қажет деп санаймын. Жаңа министрлікті Премьер-министрдің орынбасары деңгейіндегі маман басқаруы керек.