Тәуелсіздік – Тәңірден келген тәтті сый

• Астана қаласы, Есіл ауданы

Тәуелсіздік – ұлттың ең ұлы мұраты, ең асыл арманы. Бұл сөздің артында ғасырлар бойы арпалысқан ата-бабамыздың үміті, қаны, көз жасы, қажыр-қайраты жатыр. Қазақ халқы үшін тәуелсіздік — жай ғана тарихи оқиға емес, ол Тәңірден келген қасиетті, тәтті сый.

Біздің еліміз 1991 жылы 16 желтоқсанда өз егемендігін жариялап, еркін ел атанды. Бұл күн — сан ұрпақтың арманы орындалған, тарих бетіне алтын әріппен жазылған күн. Тәуелсіздік бізге тек еркін өмір сүру мүмкіндігін ғана емес, ұлттық болмысымызды сақтауға, тіліміз бен ділімізді жаңғыртуға жол ашты.

Тәуелсіз ел болу — тек ту көтеріп, әнұран шырқап, елтаңба ілу емес. Бұл — үлкен жауапкершілік. Әр азамат өз елінің дамуына үлес қосып, мемлекеттің өсіп-өркендеуіне адал қызмет етуі керек. Себебі Тәңірден келген сыйды сақтау — оны лайықты бағалау мен қорғаудан басталады.

Бүгінде Қазақстан әлем таныған, бейбітшіл, тұрақты мемлекетке айналды. Бұл — Елбасы мен халықтың бірлігі арқасында қол жеткен жетістік. Ендігі міндет — осы тәуелсіздікті көздің қарашығындай сақтау, кейінгі ұрпаққа аманат ету.
Қорытындылай келе, тәуелсіздік — бабалар аманаты, ұлттың бақыты, келешектің кепілі. Бұл — Тәңірдің бізге берген ең ұлы сыйы. Ендеше, осы сыйдың қадірін біліп, ел үшін аянбай еңбек ету — әрбір азаматтың борышы.

Әсем Аманнулаева

“Шымкент қалалық музейлер бірлестігі” МКҚК экскурсия жетекшісі