ҚҰҚЫҚТЫҚ САУАТТЫЛЫҚТЫ АРТТЫРУ МАҚСАТЫНДА АҚПАРАТТЫҚ НАУҚАН ҰЙЫМДАСТЫРЫЛДЫ
- Түркістан облысы, Түркістан қаласы
Түркістан облысындағы әйел-мигранттардың құқықтарын қорғау және олардың құқықтық сауаттылығын арттыру мақсатында ақпараттық науқандар ұйымдастырылды. Бұл іс-шаралар әйел-мигранттардың құқықтарын қорғау және олардың мүмкіндіктерін кеңейтуге, сондай-ақ мүмкін болатын қанаудың алдын алуға бағытталды.
Сарыағаш ауданында алғашқы ақпараттық науқан өтті, онда «Сана Сезім» ӘБҚО ҚБ қызметкерлері әйел-мигранттарға қолжетімді құқықтық және әлеуметтік қызметтер туралы түсінік берді. Ерекше назар еңбек миграциясына және еңбек қанауынан қорғауға аударылды. Бұл жерде құжатсыз қалған адамдар мәселесі өте өткір. Мемлекеттік органдардың, шекара қызметі мен АХАТ өкілдерімен бірге Миграциялық қызмет комитетінің төрағасы Аслан Аталықов, БҰҰ БЖКБ басшысы Ирина Билялова және «Сана Сезім» директоры құжатсыз адамдармен жеке кездесу үшін ауылдарға шықты. Азаматтарды қабылдау өткізілді. Бұл жерде барлық қажетті уәкілетті органдардың болуы өте ыңғайлы болды: адамдардың мәселелері сол жерде, қосымша сапарлар мен ұзақ күтуді қажет етпей шешілді. Алыс аудандарда тұратын көптеген адамдар өздерінің көпжылдық құжат мәселелерін шешу мүмкіндігіне ие болды. Команда мүшелері сондай-ақ құжатсыз қалған отбасылармен кездесу үшін үйге барды. Бұл сапарлар құжатсыз қалған адамдардың проблемаларының қаншалықты өткір екенін көрсетті: медициналық мекемелерде тумаған балалар мектепке бара алмайды, ал ересектер жәрдемақы рәсімдей алмай отыр. Сапарлардың нәтижесінде команда әр жағдайға нақты ұсыныстар әзірледі, олар кейіннен заңнамалық деңгейде қаралатын болады.
Сондай-ақ Ордабасы ауданында өткен науқанда мигрант әйелдердің кездесетін қиындықтары, соның ішінде медициналық қызметтерге және құқықтық қолдауға қолжетімділік мәселелері талқыланды.
Тап осындай жиын Бәйдібек ауданында да ұйымдастырылды. Ақпараттық науқан гендерлік теңсіздік және әйел-мигранттардың жиі ұшырасатын еңбек кемсітушілігі мәселелеріне арналды. Қатысушылар өз құқықтарын қорғау үшін ұйымдарға қалай жүгінуге болатыны туралы практикалық кеңестер алды.